visa transit

by Mr Schengen | Mai 21, 2019

واش المغاربة مفروضة عليهم فيزا ترانزيت

هاذ البوست للناس لي كتسول دائما على (visa transit)، المواطن المغربي لي غادي يسافر من المغرب فاتجاه أي دولة أخرى خارج منطقة شنغن كمثال: تركيا، أوكرانيا، دول آسيا أو أمريكا اللاتينية أو غيرها، أو القادم من إحدى تلك الدول للعودة إلى المغرب وغادي يدير escale فأحد مطارات دول شنغن، معفي من فيزا ترانزيت أثناء العبور عبر المنطقة الدولية شرط عدم تغيير تيرمينال “Terminal” في المطار، وهاذ النوع من التأشيرة مفروض فقط على عدد قليل من الدول غالبا كتكون فيها حروب وأزمات إنسانية أو مشاكل سياسية
نفس الشيء بالنسبة للأشخاص الذين يرغبون في السفر إلى الدول أو الجزر التابعة لبعض دول شنغن كفرنسا مثلا، والتي تسمى بأراضي ما وراء البحار France d’outre-mer أو DROM/CTOM، وهي تقع جغرافيًّا خارج منطقة شنغن ولها تأشيراتها الخاصة، غالبا ما يكون السفر إلى هذه المناطق بالمرور عبر مطارات دول شنغن.

المشكل ممكن تلقاه مع الجمارك المغربية فالمطار ملي تكون غادي واش إخليوك دوز ولا يرجعوك، حيث شي وحدين كايديرو escale وملي كيوصلو لمطار أوروبي كيطلبو اللجوء الإنساني وهادشي كتعتبرو الدول الأوروبية كنوع من أساليب الهجرة الغير مرغوب فيه، ومن طبيعة الحال لا يمرّ مرور الكرام حيث كيصفطو تقارير للدولة المغربية طبعا على شكل توبيخ لذلك الجمارك المغربية ولات كتشدد فهاد المسألة ديال escale وحتى بعض شركات الطيران حيث إقدر تخلص فيها غرامات،

أما بالنسبة لدول شنغن حتى وحدة فيهم مافرضاش فيزا ترانزيت على المغاربة وتما مغادي تلقا حتى مشكل في المطار.

باش تزيد تعرف تفاصيل أكثر شوف هاذ فيديو https://youtu.be/I1MbRHf8GVc

فيزا شنغن خمس سنوات

by Mr Schengen | Mai 16, 2019

فيزا شنغن خمس سنوات و مدة صلاحية فيزا الشنغن

كيف تحصل على فيزا شنغن “circulation” ذات مدة صلاحية طويلة يمكن أن تصل إلى خمس سنوات؟

كاينين الناس لي سبق ليهم خداو فيزا شنغن بزاف ديال المرّات ولكن في كل مرّة كتعطاهم شهر أو 3 أشهر أو 6 أشهر، و في بعض الأحيان كتعطاهم مدّة أقل من لي خداو في المرّة السابقة ومكيفهموش علاش! رغم أنهم كيتوفرو على الشروط المادية الكافية لي تسمح ليهم إسافرو بزاف ديال لمرّات!
إلى كنتي من الناس لي كيوقع ليهم هاد البلان ولا كتعرف شي حد فايت وقع ليه، ضروري خاص إقرا هاذ البوست باش إفهم شنو إدير باش ياخد فيزا لمدة صلاحية طويلة، أو لما لا فيزا شنغن خمس سنوات.

أولا خاصنا نفهمو ماهي مدة صلاحية فيزا الشنغن وبلي هد فيزا شنغن صالحة فقط لإقامة قصيرة المدة لا تتجاوز 90 يوم في كل 180 يوم كحد أقصى، لكن يصطلح عليها visa court séjour circulation أو visa circulation فقط لأن مدة صلاحيتها طويلة تتراوح ما بين سنة إلى 5 سنوات (نتحدث عن مدة الصلاحية وليس مدة الإقامة)، في الأصل يتم إصدارها للأشخاص الذين يسافرون إلى دول شنغن لمرات متعددة خلال السنة، وذلك لأغراض علمية أو مهنية أو رسمية (des voyages professionnels) كالباحثين الأكاديميين أو رجال الأعمال أو الرياضين أو الفنانين … لكن يمكن أيضا إصدار هذه الثأشيرة طبقا لشروط محددة لابد من توفرّها في الأشخاص الراغبين في الدخول إلى دول منطقة شنغن للسياحة أو لزيارة العائلة والأقارب لمرّات متعددة، وهذه الشروط هي :

1 – جواز سفر بمدة صلاحية أكبر من المدة المراد طلبها (هاد المسألة ديال الباسبور راه عندها دور كبير) فمثلا :
لا يمكن طلب فيزا “circulation” لثلاث سنوات في حين أن جواز السفر لم يتبقى له سوى سنتين على إنتهاء مدة صلاحيته.
أو طلب فيزا لمدة سنة و مدة الصلاحية المتبقيّة في جواز السفر هي سنة و شهرين فقط في هذه الحالة سيتم رفض الطلب (demande de visa circulation) لأن من الشروط الأساسية لطلب الفيزا أن يبقى جواز السفر ساري المفعول لمدة لا تقل عن ثلاثة أشهر (90 يوم) بعد إنتهاء مدة صلاحية الفيزا التي سيتم إصدارها.
2 – حصولك على عدة تأشيرات شنغن في السابق إضافة إلى أنه قد يطلب منك تقديم أختام الجمارك (cachets d’entrée et sortie) تثبت سفرك المتكرر إلى بلدان شنغن.
3 – تأمين السفر لمدة سنة على الأقل مع خاصية التجديد التلقائي “contrat renouvelable par tacite reconduction”
4 – إرفاق الملف بطلب “demande de visa circulation” تطلب به مدة صلاحية فيزا الشنغن أطول و توضح فيه الحاجة إلى القيام بعدة أسفار خلال السنة، وإن سبق لك واستفدت من فيزا “circulation” أن يكون الطلب لتجديدها.
5 – ملف طلب تأشيرة شنغن مع جميع الوثائق الضرورية.

– هناك شيء أخر يمكن أن يدعم طلبك ويقوي حظوظك في الحصول على فيزا circulation بشكل كبير وهو أن تكون فرد من العائلة لمواطن أوربي حامل لجنسية إحدى دول شنغن، الزوجة أو الزوج أو الأباء أو الأبناء.

ملاحظة :

مدة صلاحية فيزا الشنغن

فيزا شنغن تصل مدة صلاحيتها إلى خمس سنوات كأقصى حد لكن المغاربة والتونسيين لا يمكنهم الإستفاذة من هذه المدة لأن جواز السفر المغربي و التونسي مدة صلاحيتهما هي خمس سنوات ولا يمكن في أي حال من الأحوال أن تتساو مدة صلاحية الفيزا مع مدة صلاحية جواز السفر (داك الشرط ديال 90 يوم لي خاصها تبقى فالباسبور ملي تسالي الفيزا) على عكس الإخوة الجزائريين لي عندهم باسبور فيه 10 سنوات

واحد الحاجة لي بزاف ديال الناس مكيردوش ليها البال، هي البلد الذي ستقصده أولاً (Etat membre de première entrée)، كنا هدرنا عليها فواحد الفيديو فيوتيوب وأيضا في المقال ديال “كفاش تقرا الفيزا ديالك” لكن مع الأسف البعض متقبلوهاش، ومزال إن شاء الله غنديرو عليها موضوع خاص  المهم خاصك تعرف بلي راه عندها تأثير كبير على المدة ديال الفيزا لي تقدر تعطاك، وبزاف ديال الناس كيعتقدو بلي إلى خدا فيزا شنغن راه إقدر إدخل من أي دولة بغى وهذا أمر خطأ. وأعتقد بلي العبارة راها واضحة وضوح الشمس “ETAT MEMBRE DE PREMIERE ENTREE” والكارثة الكبرى أن البعض كينصحو ناس أخرين بها وبلي مفيها حتى مشكل، ربما من حظك أنك لن تجد مشاكل في الجمارك ولا حتى عند طلب الفيزا لكن في نظر القنصلية نتا شخص مكتحتارمش الفيزا، وهذا واحد من الأسباب اللي بعض المرات كتخلي القنصلية تعطيك مدة أقل من اللي عطاتك فالفيزا السابقة، وحتى أنه إقدر يكون سبب في رفض طلب الفيزا. كلنا سمعنا بداك الشخص لي كيقوليك راني خديت فيزا بزاف ديال لمرّات وهاد المرّة رفضو ليا بدون سبب ومعرفش علاش…! هذا راه واحد من الأسباب.

حظ موفق للجميع

Mr Schengen

VISA AUTO ENTREPRENEUR MAROC

by Mr Schengen | Mai 15, 2019

نصائح مهمة في أخد الموعد لطلب فيزا شنغن وتفادي الرفض

by Mr Schengen | Avr 14, 2019

أخد الموعد لطلب فيزا شنغن وتفادي الرفض

قبل ما نبداو نتكلمو حول هد الموضوع خاص نتفاهمو على بعض النقاط المهمة ولي هي كتراوح في ثلاثة مراحل منهم لي فيها شروط ولي ماشي مشكل، المهم نبداو ندخلو فصلب الموضوع

المرحلة اﻷولى وهي لي نتا يالاه كتفكر إمتا غادي طلب فيزا شنغن ؛ في هد المرحلة ما عليك حتى شي شرط فقط كتشوف واش المواعيد موجودين في الموقع الرسمي ديال تلس كونتاكت أو بلس..وكتاخد موعد فالوقت لي بغيتي بمعنى آخر، خود الموعد في شهر أو شهرين أو من دابا 6 أشهر… المهم خاص فقط تكون اﻹمكانية تاخدو فالموقع. وفهد المرحلة نتا متوجد لا دوسي ولا والو فقط ضمن بلاستك مع الخوت ولكن زيد قرا مزال باش تفهم البلان مزيااان

دبا هنا غتجي المرحلة الثانية وهنا فين غدي إخصكوم توجدو الملف قبل أيام من الموعد وزيدو ركزو معايا شوية حيت كاين واحد التاكتيك لي مهم بزاف … المهم أسيدي هداك الموعد لي خديتي فاش إوصل ونتا غدي دفع الفيزا كاينة واحد المرحلة مهمة لي كتسمى دراسة الملف ديالك ولي كتبدا من نهار الموعد ديالك حتى ليوم السفر ديالك

أجي دبا تفهم أشنو لي كيحدد ديك مدة دراسة الملف وهد الخطأ كيوقع فيه الجميع وفبعض الحالات كيكون سبب من أسباب رفض طلب الفيزا

أسيدي كيكون تاريخ السفر لي القنصلية كتاخدو من الحجز الفندقي ديالك قريب بزاف لداك تاريخ الموعد لي نتا دافع فيه الطلب وهنا نتا كتحط راسك في مواقف بايخة

بحيت مكتخليش الوقت الكافي لدراسة الملف والمشكل اﻷكبر كيكون الحجز الفندقي ديالك مؤقت وبالتالي داك الفندق كيكون لغى الحجز ديالك حيت جميع الفنادق بموقع بوكيينغ كيكونو دايرين سياسة إلغاء الحجز ب 48 ساعة كأدنى تقدير وكاين لي كيدير أسبوع … المهم كنضن البلان تفهم وديكساع كتجي القنصلية كتكوليك رجع منين جيتي بموتيف رقم 8 حيت الحجز ديالك ملغى

!!!!أرا لينا دبا الحل أمستر شنغن

زيد على بركة الله قبل مانكوليك الحل خاصني نعاود نفهمك واحد البلان تاهو مهيم بزااف

نهار كيكون عندك الموعد كيكون عندك الحق تدير الحجز الفندقي  في مدة 90 يوم كأقصى تقدير . مزال مافهمتي؟ زيد كمل معايا، اليوم نتا عندك موعد تقدر داك الحجز الفندقي ديرو مثلا من دبا 90 يوم أو 89 يوم. يعني كتكوليهم أنا غنصافر من دبا ثلاثة أشهر إوا درسو الملف على خاطركم … وهنا كيكونو جاوبوك قبل مايكون هداك الفندق لغى ليك الحجز وها نتا زربتي عليهم قبل مايزربو عليك

ماتنساش ديما تشوف داك الفندق إمتا إلغي ليك الحجز ومتنساش دير أوطيل رخيص

Mr Schengen

عقود العمل الموسمية في إيطاليا

by Mr Schengen | Avr 13, 2019

 2019 عقود العمل الموسمية في إيطاليا

تم الحمد لله الموافقة على تحديد حصص للعمل الموسمي للأجانب وهدا هو لي كنسميوه حنايا بلي إيطاليا تلقات الكونطرات ديال الخدمة . ولكن وفقط للتوضيح قبل الدخول في حيتيات هد الموضوع هد الكونطرات أو عقود العمل لا تخول لك طلب اﻹقامة بإيطاليا بل فقط العمل الموسمي لمدة أقصاها 9 أشهر

,النقطة التانية وحتى هي مهمة ناقشوها فاﻷول وهي بلا ماتضيع الوقت وتبحت على عقد عمل في اﻷنترنيت ,إدن كيبقاو ليك زوج ديال الطرق لي غدي إسلكوك فهد البلان ديال تلقى هد العقد ديال العمل

.اﻷول تواصل مع إيطالي إقاد ليك المسائل ديال الطلب

والثاني هي إلى عندك شي معارف إضبرو ليك على إيطالي عندو مشروع وخاصة في الفلاحة إقاد ليك المسائل أو أي أجنبي عندو مشروع وخا إكون ولد بلادك

أنشرحو بعدا منين جا هد البلان ديال المشغلين إقدرو إصاوبو عقود العمل في إيطاليا، أسيدي الدولة فرضات غرامات مالية كبيرة على العامل والمشغل إلا لقاوه مخدم شي واحد معندوش الوراق وحتى داك لي غي  خدام مسكين تاهو أينزلو عليه بغرامة بحيت أنه يشتغل بلا أوراق

من هنا بدات القصة وكالو ليهوم جيبو خدامة موسمين بحال شكل صحاب عقود العمل ديال الفريز في إسبانيا رغم أن إسبانيا كتفرض غي 3 أشهر وخاص تكون إمرأة مطلقة و عندها وليدات كضمانة باش ترجع للمغرب …أما فهدي ديال إيطاليا اﻹمتياز ديالها كون راجل ولا إمرأة كون متزوج أو مطلق أو عازب … المهم عندهم أجي تخدم 3 أو 6 أو 9 أشهر ورجع لبلادك . لكن راكوم عارفين البلان من بعد 9 أشهر …الهضرة فراسكوم
نقطة أخرى هدشي خاص أكتر بالجنوب ديال إيطاليا حيت تما فين كاينة الفلاحة وهدي وقيتة ديال الجلبانة ومطيشة وزيد وزيد

أخيرا من خلال البحت ديالي لقيت واحد المعلومة بالنسبة للبنات لي مقيمين في إيطاليا وبشكل غير شرعي وعندهوم أدلة تما ولقاو شي شخص كبير في العمر وخدمو عندو على شكل مقابلة مسن أو مسنة تقدري أ لا لى تطلبي اﻹقامة وهد النوع تالعمل كيتسمى باﻹيطالية بادانتي
المهم زيدو بحتو أكتر والله إسهل على الجميع

Mr Schengen