واش بصح فلوس كثيرة تقدر تأثر ليا بشكل سلبي على ملف الفيزا ؟

!!!مخاصنيش نفوت 20 ألف درهم في الحساب البنكي ديالي حيت القنصلية غادي تسولني منين جاوك دوك الفلوس

هذه عبارة سمعتها من الكثير من الناس، يكون الإختلاف فقط في المبلغ الذي يجب على كل شخص توفيره، 20 ألف درهم، 40 ألف درهم، 70 ألف درهم، … كل حسب وضعه المهني والإجتماعي

البعض يذهب حتى إلى سحب جزء من أمواله من الحساب البنكي معتقدا أن ذلك هو الصواب وهذا خطأ فادح جداً ومن الأخطاء الكثيرة التي يقع فيها بعض الناس غالبا تكون نتيجة معلومات ونصائح مغلوطة منتشرة في كل مكان.

 أولا، مكيناش شي حاجة سميتها غادي تسوّلني القنصلية منين جاوك الفلوس ولا شكون جابهوم ليك ولا علاش جاوك …، وإلا غادي تكون سميتها الكوميسرية الفرنسية بالمغرب!

ثانيا، منطقيا ميمكنش إتساوا واحد عندو 10 الاف درهم فالكونط مع لي عندو 30 أو 50 أو 70 مليون أو أكثر

خاصك تعرف بلي إلى عندك فلوس وخا تكون كثيرة هادشي لا يأثر سلبا على الملف ديالك، بل العكس تماما، كيكون عامل إيجابي بالنسبة ليك وكيزيد إقوي دوسي ديالك أكثر وبالتالي كيزيد من حظوظ ديالك باش تخرج ليك الفيزا، لأن الغرض ديال القنصلية هو تعرف بلي عندك روابط قوية مع وطنك، والجانب المادي هو واحد من هذه الروابط

بالطبع ماشي تهز فلوسك كلها وتحطها فالبنك فمرّة وحدة وتمشي دفع، ولكن معمرك طيح فالخطأ ديال تسحب الفلوس من حسابك البنكي فقط باش متبيينش بلي عندك فلوس كثيرة وغادي إسولوك منين جبتيها !! حتا واحد مغاديش إسولك، باشما كانت الفلوس كثيرة كان أفضل لأنها كتعتبر من الضمانات القوية فالملف ديال الفيزا

(فين عمّر الفلوس دارت مشكل!!! الفقر بوحدو هو اللي كيدير المشاكيل)

باقي تنعقل واحد الدري كان دفع دوسي ديال الفيزا وهو مخدّامش  وخداها، ولكن كانت عندو كثر من مليون ديال الدرهم في الحساب البنكي

حظ موفق للجميع

Mr Schengen